Ауа райы
Астана 23 °С
Алматы 28 °С
валюта бағамы
USD 412.55
EUR 468.66
RUB 5.79
CNY 58.80

Шахматтан халықаралық онлайн турнирде Әсел Лесбекова жүлделі орынды иеленді

2020 жылдың 14 мамыр 2020 20:53

НҰР-СҰЛТАН. ҚазАқпарат – Жақында Гейдар Әлиевтің туғанына 97 жыл толуына арналған шахматтан онлайн-турнирде қазақстандық шахматшы Әсел Лесбекова жүлделі орынға ие болды, деп хабарлайды ҚазАқпарат.

Халықаралық турнирді Әзербайжан Білім министрлігі мен Әзербайжан шахмат федерациясы ұйымдастырды.

Халықаралық турнирдің мақсаты – карантин кезінде балалардың бос уақытын тиімді пайдалану, заманауи технологиялар арқылы шахматшылардың тәжірибесін көтеру.

Ұйымдастырушылардың хабарлауынша, 43 елден 209 шахматшы қатысқан турнир өте тартысты өтті. Бұл шараға 2003 жылы туған және 17 жастан кіші балалар қатысты.

Қыздар арасында бірінші және екінші орынды әзербайжандық Малак Исмаил мен Говхар Бейдуллаева өзара бөлісті. Ал қазақстандық шахматшы Әсел Лесбекова үшінші орынды алды.

Жүлдегерлер дипломдармен әрі арнайы сыйлықтармен марапатталды.

Әсел Лесбекова шахматтан Қазақстанның спорт шебері. Бұл атақты ол 2017 жылы 13 жасында иеленді.


Автор Руслан Ғаббасов
Басты сөздер: Спорт, Әзербайжан,
Жоғары қарай