Ауа райы
Астана 11 °С
Алматы 22 °С
валюта бағамы
USD 412.55
EUR 468.66
RUB 5.79
CNY 58.80

Сенаторлыққа үміткерлердің мамандықтары қандай

2020 жылдың 13 шілде 2020 17:06

НҰР-СҰЛТАН. ҚазАқпарат - Сенаторлыққа үміткерлердің қатарында инженер, экономист, педагог, дәрігер, журналист мамандығының иелері бар. Бұл туралы ҚР Орталық сайлау комиссиясының төрағасы Берік Имашев айтты, деп хабарлайды ҚазАқпарат тілшісі.

Оның дерегінше, үміткерлерің арасында 26 инженер, 20 экономист, 12 педагог, 10 заңгер, 10 аграрлық сала қызметкері, 4 дәрігер, 3 журналист, 1 саясаттанушы және 1 басқа мамандық иесі бар.

«Кандидаттар арасында 18 коммерциялық құрылым қызметкері, 23 мемлекеттік ұйымдардың, кәсіпорындардың мемлекеттік қызметкері, 18 мемлекеттік қызметші, 9 қоғамдық ұйымдардың өкілі және 2 жұмыссыз үміткер бар. Сонымен қатар қазіргі уақытта қызмет атқарып отырған 4 сенатор өз кандидатураларын ұсынды. Қазіргі уақытта Сенат депутаттығына кандидаттарды тіркеу процесі жүріп жатыр. Ол осы жылдың 23 шілдесіне дейін жалғасады. Бүгінгі күні сайлау комиссияларымен 62 кандидат тіркелді», - деді Берік Имашев ОСК отырысы барысында.

Айта кетейік, 2014 жылы сайланған Сенат депутаттарының өкілеттік мерзімі осы жылдың қазан айында аяқталады. Осылайша, 2020 жылдың 12 тамызында еліміздің жоғары заң шығарушы органы жоғарғы палатасына 17 өңірден бір-бір депутаттан сайлануы қажет.



Жоғары қарай