Ауа райы
Астана 8 °С
Алматы 17 °С
валюта бағамы
USD 421.58
EUR 496.83
RUB 5.53
CNY 62.20

Сенат сайлауы: халықаралық ұйымнан байқаушыларды аккредиттеу қаралды - ОСК

2020 жылдың 7 тамыз 2020 12:36

НҰР-СҰЛТАН. ҚазАқпарат – Бүгін ҚР Орталық сайлау комиссиясының отырысында 2020 жылғы 12 тамызға тағайындалған ҚР Парламенті Сенаты депутаттарының сайлауына халықаралық ұйымнан байқаушыларды аккредиттеу тақырыбы қаралды, деп хабарлайды ҚазАқпарат тілшісі.

ҚР ОСК төрағасы Берік Имашев ағымдағы жылдың 24 шілдесінде Орталық сайлау комиссиясының қаулысы негізінде халықаралық байқау институты ашылғанын еске салды.

Өз кезегінде Ортсайлауком мүшесі Анастасия Щегорцова Сенат депутаттарының сайлауына халықаралық ұйымнан байқаушыларды аккредиттеу туралы баяндама жасады.

«Қазақстан Республикасындағы Сайлау туралы» Конституциялық Заңның 20-2-бабына сәйкес, шет мемлекеттердің, халықаралық ұйымдардың байқаушыларын аккредиттеуді Сыртқы істер министрлігінің ұсынуы бойынша Орталық сайлау комиссиясы жүзеге асырады. 2020 жылғы 6 тамызда Сыртқы істер министрлігінің ұсынысы бойынша Түркітілдес мемлекеттердің ынтымақтастық кеңесінен 5 байқаушы аккредиттеуге шығарылды. Осы орайда Әзербайжан Елшілігінің 2 өкілі және Қырғызстан, Өзбекстан, Түркия елшіліктерінен бір өкілден бар», - деді Анастасия Щегорцова.

Айта кетейік, сайлау заңнамасына сәйкес, 6 тамызда сағат 18:00-де халықаралық байқаушыларды аккредиттеу аяқталды.

Еске салсақ, 2014 жылы сайланған Сенат депутаттарының өкілеттік мерзімі осы жылдың қазан айында аяқталады. Осылайша, 2020 жылдың 12 тамызында еліміздің жоғары заң шығарушы органы жоғары палатасына 17 өңірден бір-бір депутаттан сайлануы қажет.

2020 жылғы 24 шілдедегі жағдай бойынша елімізде Сенат депутаттығына сайлау комиссиялары 58 кандидатты тіркеді. Орташа алғанда бір орынға үш үміткерден болып отыр.


Автор Руслан Ғаббасов
Басты сөздер: Сайлау, Сенат,
Жоғары қарай