Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Семейдегі жылыту қазандықтары қыркүйектің ортасына дейін жаңартылады

2021 жылдың 27 тамыз 2021 21:35

СЕМЕЙ. ҚазАқпарат – ШҚО әкімі Даниал Ахметов Семейдегі жылыту қазандықтарын қайта жаңарту жұмыстарымен танысты, деп хабарлайды ҚазАқпарат тілшісі.

Жөндеу жұмыстары қыркүйек айының ортасына дейін аяқталады деп жоспарланған. Аймақ басшысы Даниал Ахметовтің айтуынша, осылайша 1 млрд теңгеден астам қаражат игеріледі.

«Келесі жылға жоспарлаған модернизациялауды биыл аяқтау үшін тағы бір млрд теңге бөлінеді. Соның нәтижесінде Орталық қазандығына қосымша 20 Гкал беріледі. Негізгі міндет – жылу желілерін реттеу және гидравликалық режимді сақтау», - деді ол.

Облыс әкімінің сөзінше, жылу беру және кері қайтарылымдағы қысымның төмендеуі техникалық нормативтерге сәйкес болуы керек.

«Бұл мәселемен «Теплокоммунэнерго» мекемесі және қала әкімдігі айналысуда. Соңғы жылдары алғаш рет барлық қалпына келтіру жұмыстарын жаңа жылға дейін аяқтаймыз. Бұл бізге қаланың жылу режимін ретке келтіруге мүмкіндік береді», - деді Даниал Ахметов.





Жоғары қарай