Ауа райы
Астана 21 °С
Алматы 22 °С
валюта бағамы
USD 412.55
EUR 465.73
RUB 5.79
CNY 58.91

Семейде жерасты паркингінде болған өрттен 60-қа жуық адам эвакуацияланды

2020 жылдың 6 маусым 2020 13:08

СЕМЕЙ. ҚазАқпарат – Семейде жерасты паркингінде болған өрттен көпқабатты үйдің тұрғындарын эвакуациялауға тура келген, деп хабарлайды ҚазАқпарат тілшісі қалалық төтенше жағдайлар басқармасына сілтеме жасап.

Ведомствода 5 маусым күні сағат 23:00-де пультқа Ибраев көшесінің бойындағы 9 қабатты үйдің паркингінде 2000 жылғы «Toyota Land Cruiser» маркалы автокөліктің жанып жатқаны туралы хабар келіп түскен. Көліктің моторлы бөлігі жанғаны анықталды, жалын 8 шаршы метр аумаққа таралған.

«Түтінді үй тұрғындары байқап, өрт сөндірушілерді шақырған. Оқиға орнына бір минутта жеткен өрт сөндірушілер адамдарды эвакуациялауға көмек көрсеткен. Барлығы 57 ересек адам мен сегіз бала эвакуацияланды», - деп атап өтті ТЖБ-да.

Осы уақытта Семей қаласының № 2 мамандандырылған жасақ бөлімінің өрт сөндірушілері автокөліктегі жалынды сөндіріп, 20 минут ішінде өртті ауыздықтады. Өрт кезінде қаза болғандар мен зардап шеккендер жоқ.








Жоғары қарай