Ауа райы
Астана 16 °С
Алматы 20 °С
валюта бағамы
USD 412.55
EUR 468.66
RUB 5.79
CNY 58.80

Семейде домбырашы робот «Жыл таңдауы» атанды

2019 жылдың 13 желтоқсан 2019 14:47

СЕМЕЙ. ҚазАқпарат – Семейде домбырашы роботтың авторлары «Жыл таңдауы – 2019» байқауында «Жас ғалым» номинациясын жеңіп алды, деп хабарлайды ҚазАқпарат тілшісі Назарбаев Зияткерлік мектебінің баспасөз қызметіне сілтеме жасап.

Марапаттау рәсімі «Жыл таңдауы – 2019» жастар форумы аясында өтті. Физика-математика бағытындағы Назарбаев Зияткерлік мектебінің 10-сынып оқушысы Нұрбол Мақтаев пен Мирас Мұратқанов Семей әкімі Ермақ Сәлімовтің қолынан «Мемлекеттік жастар саясатын іске асыруға қосқан үлесі үшін» сыйлығын алды.




«Ұстазымыз Бақытбек Орынбаевтың басшылығымен жасалған жобамыздың жеңіс әкелгені үшін қуаныштымыз. Біз бүгін жұмысымыз елеусіз қалмайтынын сездік. Осы шараның ұйымдастырушыларына және осы форумға қатысуға кеңес берген жобаның жетекшісіне алғыс айтамыз», - деді мектеп оқушылары.

Қала әкімі балаларды жеңісімен құттықтап, табыс тіледі.

Еске салайық, Мирас пен Нұрболға домбыраның құлағында еркін ойнайтын роботты құрастыру үшін бір ай уақыт берілген.













Жоғары қарай