Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Семейде бір күнде 2 автобус жол апатына ұшырады

2021 жылдың 27 қаңтар 2021 14:41

СЕМЕЙ. ҚазАқпарат – Семей қаласында екі автобус жол апатына түскен, деп хабарлайды ҚазАқпарат тілшісі.

ШҚО полиция департаменті баспасөз қызметінің мәліметіне сүйенсек, бірінші жол-көлік оқиғасы кеше таңертең болған.

«Daewoo автобусының 55 жастағы жүргізушісі жанама жолдан Түктібаев көшесіндегі басты жолға шығып бара жатып Toyota көлігімен соқтығысқан. Қатты соққыдан кері серпілген автокөлік темір қоршауды бұзып өтті» деп хабарлады ведомство өкілдері.

Жол апатынан ешкім зардап шеккен жоқ.

Автобус жүргізушісі әкімшілік жауапкершілікке тартылды.

«Ал түс кезіндегі екінші оқиғада қар тиеген КамАЗ автобуспен соғылған. Ешкім зардап шеккен жоқ. Жүк көлігінің жүргізушісіне қатысты әкімшілік хаттама толтырылды» деп хабарлады полиция.


Жоғары қарай