Ауа райы
Астана 22 °С
Алматы 16 °С
валюта бағамы
USD 414.13
EUR 451.40
RUB 5.80
CNY 58.03

Румынияда өлтірілген қарашақаз Қазақстан орнитологтарына құнды ақпараттар жіберіп тұрған

2020 жылдың 19 қаңтар 2020 10:40

НҰР-СҰЛТАН. ҚазАқпарат - Өткен жылы Солтүстік Қазақстанда спутниктік хабар таратқыш тағылған қарашақаздың бірін болжам бойынша Румынияның оңтүстік-шығысында браконерлер өлтірген. Бұл жайында Қазақстанның биологиялық алуантүрлілікті сақтау қауымдастығының Facebook парақшасында жарияланды, деп хабарлайды ҚазАқпарат тілшісі.

Болгария құстарды қорғау қоғамдастығы (BSPB) мен Румыния орнитологиялық қоғамдастығы (SOR) мамандарының хабарына қарағанда, осыдан екі күн бұрын қарашақаз Виктория ауылынан хабар беріп тұрған. Қазіргі уақытта сарапшылар мен жергілікті билік өкілдері ақпарат жинаумен айналысып жатыр.

Эмилия лақап аты берілген құс 10 ай бойы бірнеше елдің орнитологтарына миграциялық жылжу туралы құнды ақпарат беріп тұрған еді.

Бұған дейін Торғай даласына жіберілген ұрғашы құланды браконьерлер өлтірген болатын. Аталған құлан 2018 жылы Орталық Қазақстанда құландардың популяциясын қалпына келтіру бағдарламасы аясында жабайы табиғатқа жіберілген.


Автор Марлан Жиембай
Басты сөздер: Ғылым, Оқиға, Экология,
Жоғары қарай