Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Риддерде жоғалып кеткен 5 жасар бала табылды

2021 жылдың 22 қыркүйек 2021 18:50

ӨСКЕМЕН. ҚазАқпарат – Шығыс Қазақстан облысы Риддер қаласында жоғалып кеткен 5 жасар бала табылды, деп хабарлайды ҚазАқпарат тілшісі.

ШҚО Полиция департаменті баспасөз қызметінің мәліметіне сүйенсек, бүгін сағат 14:00 шамасында полицияға қоңырау шалған әйел адам ұлының жоғалып кеткендігін айтқан.

Белгілі болғандай, Матвей есімді 5 жасар бала үйден аулаға шығып, сол күйі қайтып оралмады. Ата-анасы өз беттерімен қанша іздегендерімен оны таба алмаған.

«Полиция қызметкерлері бірден жедел-іздестіру шараларына кірісті. Баланы табу үшін волонтерлер де жұмылдырылған. Көп ұзамай Матвай аулалардың бірінен аман-есен табылды. Қазіргі уақытта бала ата-анасына жеткізілді», - деп хабарлады ведомство өкілдері.


Жоғары қарай