Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Республикалық аналар кеңесіне жан-жақты қолдау көрсету қажет - Президент

2021 жылдың 21 қазан 2021 12:38

НҰР-СҰЛТАН. ҚазАқпарат – Республикалық аналар кеңесіне жан-жақты қолдау көрсету қажет. Бұл туралы Қазақстан халқы Ассамблеясының кеңейтілген отырысында Мемлекет басшысы Қасым-Жомарт Тоқаев айтты, деп хабарлайды ҚазАқпарат тілшісі.

«Төртінші – Қазақстан халқы Ассамбелясын одан ары дамыту. Ассамблеяның қоғамдық құрылымдары ауқымды этносаралық коммуникацияға жол ашуы керек. Республикалық аналар кеңесінің құрылуы осы бағыттағы маңызды қадам», - деді Қасым-Жомарт Тоқаев.

ҚР Президентінің атап өтуінше, кеңес еліміздегі бірлік пен татулыққа негіз болып отырған құндылықтарды жастардың санасына сіңіруге атсалысады.

«Халқымызда «Отан - отбасынан басталады» деген аталы сөз бар. Ұрпаққа отбасында дұрыс тәрбие беру керек. Бұл айрықша маңызды міндет. Сондықтан Республикалық аналар кеңесіне жан-жақты қолдау көрсету қажет»,- деді Мемлекет басшысы.


Жоғары қарай