Ауа райы
Астана -1 °С
Алматы 2 °С
валюта бағамы
USD 421.58
EUR 496.83
RUB 5.53
CNY 62.20

Ресейде адам ұрлағаны үшін іздеуде болған қылмыскер Нұр-Сұлтаннан ұсталды

2020 жылдың 18 қыркүйек 2020 19:57

НҰР-СҰЛТАН. ҚазАқпарат – Елорда полицейлері ТМД құқық қорғаушыларымен бірлесіп, 16-17 қыркүйек аралығында «Іздеу» кең көлемді шарасын өткізді. Бұл туралы ҚазАқпарат Нұр-Сұлтан қаласының полиция департаментіне сілтеме жасап хабарлайды.

Тәртіп сақшылары екі күннің ішінде 22 қылмыскерді ұстаған, соның ішінде жетеуі көрші елдер – Ресей, Қырғызстан және Өзбекстанда іздеуде болған.

Із-түссіз жоғалған 9 адамның жүрген жері анықталды.

Ресейдің Орынбор облысында адам ұрлағаны үшін іздеуде болған 33 жастағы қазақстандық азамат Нұр-Сұлтаннан ұсталған.

Ұсталған кезде ер адам жасалған қылмысқа қатысы жоқ екенін айтқан.

Алайда Ресейдегі әріптестерімен байланысқа шыққан қазақстандық тәртіп сақшылары олардан айғақ құжаттар алып, ер адамды қамауға алды.


Басты сөздер: Оқиға, Нұр-Сұлтан, Ресей, Заң,
Жоғары қарай