Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Ресей азаматы 6 жыл бойы Қазақстаннан заңсыз зейнетақы алып келген

2021 жылдың 17 қараша 2021 14:41

ӨСКЕМЕН. ҚазАқпарат – Шығыс Қазақстан облысы Шемонаиха ауданында 6 жыл бойы заңсыз зейнетақы алып келген ресейлік анықталды, деп хабарлайды ҚазАқпарат тілшісі.

ШҚО полиция департаменті баспасөз қызметінің мәліметіне сүйенсек, көші-қон қызметінің мамандары зейнетақы төлеу жөніндегі мемлекеттік орталықпен салыстырып-тексеру жүргізу кезінде Шемонаиха ауылы тұрғынының Ресей Федерациясының азаматтығын алғанын анықтады.

Белгілі болғандай, ер адам 2005 жылы РФ Алтай аймағында сол елдің азаматтығын қабылдаған.

Алайда сол туралы ҚР Ішкі істер органдарына хабарламады.

Осылайша ол Ресей азаматы бола отырып, 6 жыл бойы Қазақстан аумағында зейнетақы жасына жеткеннен кейін ай сайын зейнетақы алып келген.

«Оған ҚР құжаттарын пайдаланғаны үшін ӘҚБтК-нің 496-бабы бойынша 100 АЕК көлемінде айыппұл салынды. Қазіргі уақытта қазақстандық құжаттары тәркіленген ер адам ел азаматтығынан айырылды», - деді облыстық ПД бастығы Сағат Мәдиев.



Жоғары қарай