Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

قازاقستان ساۋد ارابياسىنا QazVac ۆاكسيناسىن جەتكىزۋدى ۇسىندى

2021 жылдың 27 қыркүйек 2021 11:50

نۇر-سۇلتان. قازاقپارات - قازاقستان ساۋد ارابياسىنا QazVac ۆاكسيناسىن جەتكىزۋ مۇمكىندىگىن قاراستىرۋدى ۇسىندى.

بۇل تۋرالى ق ر ساۋدا جانە ينتەگراتسيا ءمينيسترى باقىت سۇلتانوۆ ايتتى، دەپ حابارلايدى قازاقپارات ءتىلشىسى.

بۇعان دەيىن مينيستر قازاقستان مەن ساۋد ارابياسىنىڭ تىكەلەي اۋە رەيستەرى قايتا جانداناتىنىن حابارلاعان ەدى.

«قوزعالىس شەكتەۋلەرىن ازايتۋ ءۇشىن ءبىز ۆاكسينالاۋ پاسپورتتارىن ەكىجاقتى تانۋدى قولدايمىز. ەگەر ساۋد ارابياسى تاراپى قىزىعۋشىلىق تانىتسا، قازاقستان QazVac ۆاكسيناسىن ساۋد ارابياسىنا جەتكىزۋ، سونداي-اق ساۋد ارابياسى كورولدىگى اۋماعىندا قازاقستاندىق ۆاكسينانى بىرلەسىپ ءوندىرۋ مۇمكىندىگىن قاراستىرۋدى ۇسىنادى»، - دەدى باقىت سۇلتانوۆ ەلوردادا قازاقستان مەن ساۋد ارابياسىنىڭ بىرلەسكەن ينۆەستيتسيالىق بيزنەس فورۋمىندا.

ايتا كەتەيىك، قازاقستان- ساۋد ارابياسى ينۆەستيتسيالىق بيزنەس-فورۋمىنا ەكى ەلدىڭ ىسكەر توپتارى مەن بيزنەسىنىڭ 170 تەن استام وكىلى قاتىسۋدا. شارا بارىسىندا ساۋديالىق كومپانيالار جەكە سەكتوردى دامىتۋ، سەرپىندى قوعام قۇرۋ جانە كورولدىكتىڭ حالىقارالىق ساۋداداعى باسەكەگە قابىلەتتىگىن ارتتىرۋدى كوزدەيتىن «Saudi Vision 2030» ۇلتتىق باعدارلاماسىن ىسكە اسىرۋ تاجىريبەسىمەن بولىسەدى.

اۆتور: ايجان سەرىكجان قىزى


Басты сөздер: الةم,
Жоғары қарай