Ауа райы
Астана -7 °С
Алматы 0 °С
валюта бағамы
USD 379.75
EUR 415.18
RUB 5.78
CNY 54.19

Премьер-Министр: Үкіметтің басты міндеттерінің бірі – өнімді жұмыс орындарын ашу

2020 жылдың 24 қаңтар 2020 11:00

НҰР-СҰЛТАН. ҚазАқпарат – Үкімет басшысы Асқар Мамин биыл Қазақстанда 430 мың жаңа жұмыс орны ашылатынын мәлімдеді. Ол бұл туралы Президент Қасым-Жомарт Тоқаевтың қатысуымен өтіп жатқан Үкіметтің кеңейтілген отырысында айтты, деп хабарлайды ҚазАқпарат тілшісі.

«Үкіметтің басты міндеттерінің бірі – өнімді жұмыс орындарын ашу. Бұған инвестициялық жобаларды жүзеге асыру арқылы қол жеткізгіміз келеді», - деді Асқар Мамин.

Оның айтуынша, экономика салаларында 2020 жылы 430 мың жаңа жұмыс орны ашылады.

«Мұнда жаңа жұмыс орындары негізінен туризм, сауда мен құрылыс салаларында, сондай-ақ, өңдеу өнеркәсібі мен АӨК саласында да жаңа жұмыс орындары ашылады», - деді Асқар Мамин.


Жоғары қарай