Ауа райы
Астана 6 °С
Алматы 15 °С
валюта бағамы
USD 421.58
EUR 496.83
RUB 5.53
CNY 62.20

Праймериз: Жетісулықтар сайлауалды бағдарлама жобасына 400-ге жуық ұсыныс білдірді

2020 жылдың 19 қыркүйек 2020 19:24

ТАЛДЫҚОРҒАН. ҚазАқпарат - Жетісулықтар сайлауалды бағдарлама жобасына 400-ге жуық ұсыныс білдірді, деп хабарлайды ҚазАқпарат тілшісі.

7 қыркүйектен бастау алған партияішілік іріктеудің үгіт-насихаттық жұмысында қатысушы үміткерлер тұрғындардан 400-ге жуық ұсыныс тілектерін жинап үлгерді.

Жол, ауыз су, электр жарығы, сапалы білім берумен денсаулық сақтау жүйесіне өзгерістер енгізу сынды өзекті мәселелерден құралған жетісулықтардың аманатын алдағы уақытта үміткерлер аудан-қалалық сайлауалды бағдарлама жобасына толықтыру енгізуді жоспарлап отыр.

Өңірде ұсыныс білдірген аудандар қатарында Қарасай, Алакөл, Талғар ауданымен, Талдықорған қаласы көш бастап, әр қайысында 30-дан аса ұсыныс тілектер түскен. Сонымен қатар, праймериз туралы аудан-қалалардан 33 ұсыныс, жалпы партия жайында 4 ұсыныс келіп түскен.

Сайлауалды бағдарлама арқылы қоғамның түрлі саласындағы мәселелердің шешілуін қозғаған партиялықтар қазіргі таңда жер-жерлерде кездесулер өткізіп, жобаны түсіндіріп өтіп, 44 мыңнан астам адамды қамтып отыр. Аталған кездесулер одан әрі жалғасын таппақ.

Естеріңізге сала кетсек, «Nur Otan» партиясы 17-тамыз бен 3-қазан аралығында партия ішілік іріктеу – праймериз өткізуде. Оған Алматы облысынан 1090 үміткер қатысуда.


Жоғары қарай