Ауа райы
Астана -11 °С
Алматы -1 °С
валюта бағамы
USD 421.58
EUR 496.83
RUB 5.53
CNY 62.20

Полиция, әсіресе, өңірлерде халықпен ашық диалог жүргізуі керек - Президент

2020 жылдың 29 қазан 2020 21:25

НҰР-СҰЛТАН. ҚазАқпарат - Қазақстан Президенті Қасым-Жомарт Тоқаев Қазақстан полициясының алдында тұрған міндеттерді айқындап берді, деп хабарлайды ҚазАқпарат.

«Ішкі істер министрлігінің кеңейтілген алқа мәжілісінде сөз сөйледім. Қазіргідей күрделі кезеңде полиция мен күштік құрылымдардың жауапкершілігі едәуір артады. Учаскелік полиция қызметкерлерінің жұмысына ерекше мән беріледі. Оларға мемлекет жан-жақты көмек көрсетеді. ІІМ-нің алдында тұрған басты міндет - азаматтармен өзара қарым-қатынасты қызмет көрсету моделіне көтеру («полиция қадамдық қолжетімжділікте» қағидатын құру), құрылымдық реформалар, тиімді кадрлық саясат, цифрлық технологияларды енгізу» деп атап өтті Президент өзінің Twitter парақшасында.

Мемлекет басшысының айтуынша, полиция, әсіресе, өңірлерде халықпен ашық диалог жүргізуі керек.

«Азаматтардың құқық қорғау органдарына сенімін арттыру–жүргізіліп жатқан реформаның басты міндеті. ІІМ азаматтардың қауіпсіздігін, елдегі заңдылық пен тәртіпті қамтамасыз ететін негізгі орган болған және солай қалады» дейді Қасым-Жомарт Тоқаев.


Жоғары қарай