Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Петропавлда мас келіншек көлігімен адамды соғып, аялдамаға кіріп кетті

2021 жылдың 26 шілде 2021 10:15

ПЕТРОПАВЛ. ҚазАқпарат – Көлікті мас күйде басқарған 28 жастағы Петропавл тұрғыны адам соғып, аялдаманы зақымдады, деп хабарлайды ҚазАқпарат тілшісі.

Петропавлда қалалық полиция басқармасының мәліметінше, оқиға 24 шілде сағат 19.15 шамасында «Ромашка» саяжай қоғамдастығының маңында болған. Петропавлдың 28 жастағы тұрғыны рульге ие бола алмай қалып, «Lada» көлігімен жүргіншіні және аялдаманы соққан.


Жедел жәрдем көлігі 47 жастағы әйелді ауруханаға жеткізді.

Медициналық куәландыру «Lada» көлігі жүргізушісінің мас болғанын көрсетті. Автомашина арнайы тұраққа қойылды.

Жол-көлік оқиғасы бойынша жүргізушіге әкімшілік материал жиналды. Іс процессуалдық шешім шығару үшін Петропавл қаласының әкімшілік құқықбұзушылықтар бойынша мамандандырылған сотына жіберіледі.


Жоғары қарай