Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Павлодарда жүргізушісі жоқ КамАЗ автокөлікке соғылды

2021 жылдың 18 ақпан 2021 16:10

ПАВЛОДАР. ҚазАқпарат – Павлодар - Екібастұз автожолында көлігіне қол тежегішті қоспауы салдарынан апаттық жағдай туғызған жүргізушіге айыппұл салынды, деп хабарлайды Pavlodarnews.kz.

Облыстық полиция департаменті баспасөз қызметінің мәліметі бойынша, Қалқаман ауылы маңындағы Павлодар - Екібастұз автожолында жол бойындағы дәмханалардың бірінің жанында КамАЗ жүргізушісі көлік қойып жатқан кезде қол тежегішті қоспаған. Салдарынан жүк көлігі жоғарыдан төмен қарай қозғалған күйі «Ниссан» көлігіне соғылған.
- ЖКО фактісіне қатысты КамАЗ жүргізушісі ҚР ӘҚБК 610-бабы бойынша жауапкершілікке тартылды, - делінген хабарламада.

Айта кетейік, жыл басынан бері ҚР ӘҚБК 610-бабы бойынша тәртіп сақшылары Павлодар облысының 158 тұрғынын әкімшілік жауапкершілікке тартқан.


Басты сөздер: Павлодар облысы, Оқиға, Көлік,
Жоғары қарай