Ауа райы
Астана 15 °С
Алматы 17 °С
валюта бағамы
USD 412.55
EUR 468.66
RUB 5.79
CNY 58.80

Павлодарда туристік маусымның ашылуы кейінге шегерілді

2020 жылдың 11 маусым 2020 23:01

ПАВЛОДАР. ҚазАқпарат – Облыстағы эпидемиологиялық жағдайға байланысты өңірдегі туристік маусымның ашылуы 15 маусымнан бастап белгісіз мерзімге қалдырылды. Туристік нысандардың жұмысы да әлі басталған жоқ. Бұл туралы ҚазАқпарат Туризм және спортты дамыту басқармасына сілтеме жасап хабарлайды.

Павлодар облысының тұрғындары мен қонақтарынан жағдайға түсіністікпен қарауды және демалыс аймақтары мен халық көп жиналатын орындарға бармауды сұраймыз.

Туристік маусымның басталғаны туралы ақпарат қосымша жарияланатын болады.

Айта кетсек, өткен аптада, 1 - 7 маусым аралығында Павлодар облысында коронавирус жұқтырған 76 адам тіркеліп, науқастардың саны 36,7%-ға артты. Облыста карантин шараларын жеңілдетудің келесі кезеңі жұқтыру қарқыны 5 пайызға дейін төмендегенде жүзеге асырылады деп жоспарланып отыр.

Жоғары қарай