Ауа райы
Астана 15 °С
Алматы 20 °С
валюта бағамы
USD 421.58
EUR 496.83
RUB 5.53
CNY 62.20

Павлодарда мемлекеттік тілді дамытуға үлес қосқан зиялы қауым өкілдері марапатталды

2020 жылдың 27 қыркүйек 2020 19:00

ПАВЛОДАР. ҚазАқпарат - Ардагерлер үйінде облыстың зиялы қауым өкілдері және тіл жанашырларымен мерекелік кездесу өтті, деп хабарлайды Pavlodarnews.kz.

Бұл туралы Павлодар облысының мәдениет, тілдерді дамыту және архив ісі басқармасы мәлім етті.
- 1 қазан – Халықаралық қарттар күні. Елімізде жыл сайын бұл күн қарттарымыздың ғұмыр бойы істеген еңбектеріне әрі мемлекетіміздің қалыптасуына қосқан зор үлестеріне сай сый-құрмет көрсетіледі. Осы орайда мереке қарсаңында басқармамыз облыстың зиялы қауым өкілдері және тіл жанашырларымен мерекелік кездесу ұйымдастырды, - деді басқармада.

Аталған шараға Халықаралық «Қазақ тілі» қоғамы облыстық филиалының төрағасы мен мүшелері, облыстық ардагерлер кеңесінің, «Нұр-Ана әлемі» қоғамдық бірлестігінің Павлодар облысы бойынша филиалының және «Ақсақалдар тағылымы» қоғамдық бірлестігінің, сондай-ақ жергілікті зиялы қауым өкілдері қатысты.

Кездесу барысында Президент Қасым-Жомарт Тоқаевтың халыққа жолдауындағы қазақ тілінің ұлтаралық қатыныс тілі ретінде қалыптасу бағытындағы міндеттерді анықтау, ұлттық салт-дәстүрлерді насихаттау және жаңғырту бойынша мәселелер талқыланды, - деді басқармада.





Кездесу соңында мемлекеттік тілдің дамуына зор жауапкершілікпен қарап, жас ұрпақты халқымыздың әдет-ғұрып, салт-дәстүрімен сусындатып, достық пен бірлікті нығайтуға, Қазақстанның болашағы жолында атқарып жатқан елеулі еңбегі үшін жергілікті зиялы қауым өкілдері басқарма тарапынан алғыс хаттармен марапатталды.


Жоғары қарай