Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Павлодарда көлік апаты салдарынан 87 жастағы кейуана қаза тапты

2021 жылдың 23 тамыз 2021 22:31

ПАВЛОДАР. ҚазАқпарат – Павлодар қаласында екі көлік қақтығысып, 87 жастағы кейуана мерт болды. Түрлі жарақат алған тағы екі адам ауруханаға жеткізілді, деп хабарлайды ҚазАқпарат Pavlodarnews.kz-ке сілтеме жасап.

Облыс орталығындағы келеңсіз жағдай Аймауытов көшесі мен Камзин көшесінің қиылысында болған. Волга және Газель автокөлігінің қақтығысының салдарынан 1934 жылы туған әйел қаза тапты. Ал 1958 және 1994 жылғы ер адамдар түрлі дене жарақаттарымен Павлодар қаласындағы бірінші ауруханаға жеткізілді.

- Оқыс оқиға орын алған жерге «жедел жәрдем» қызметі шақырту түскеннен кейін 4 минут ішінде барды. Мамандар 87 жастағы кейуананың сол жерде көз жұмғаынын растады. Ал екі ер адам түрлі дене жарақаттарымен ауруханаға жеткізілді, - деді облыстық жедел жәрдем станциясы.

Өңірлік денсаулық сақтау басқармасының мәліметінше, 63 және 27 жастағы екі павлодарлық зардап шеккен. Оларға жабық ми жарақаты, мидың шайқалуы, кеуде тұсының ауырсынуы бойынша диагноз қойылды.


Басты сөздер: Павлодар облысы, Оқиға, Көлік,
Жоғары қарай