Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Павлодарда балалар мамық жағып ойнап, екі қабатты үйді өртеп жіберген

2022 жылдың 18 мамыр 2022 09:11

НҰР-СҰЛТАН. ҚазАқпарат - Павлодарда ойыннан от шығып, екі қабатты үй өртенді, деп хабарлайды Рavlodarnews.kz тілшісі.

Өңірлік коммуникациялар қызметінде өткен баспасөз жиынында Павлодар облысы ТЖД басшысының орынбасары Қайрат Шаймарденов апаттың орын алуының алдын ала себебін мәлім етті.

«Қазір терек мамығы түсетін кезең басталды. Балалар соны өртеп ойнайды. Тұрғындарға балаларымен кеңес өткізуді ұсынамыз. Ал, ұйымдардың басшыларын өз аумақтарын тазалауға, абай болуға шақырамыз. Өйткені салдары ауыр болуы мүмкін. Мысалы, кеше балалардың мамық өртеп ойнауы салдарынан екі қабатты тұрғын үйде өрт шықты», - деді Қайрат Шаймарденов.
Қайрат Шаймарденовтің айтуынша, оқиға орнында тергеу жүргізу кезінде балалардың мамық өртеп ойнағаны анықталған.
«Видеосы да бар. Куәгерлерден жауап алынды. Олардың айтуынша, өрттің шығуына балалардың отты абайсыз қолдануы себеп болған», - деді Қайрат Шаймарденов.
Аталған фактіге қатысты іс облыстық полиция департаментіне жолданған. Кінәлілер бойынша соңғы шешімді полиция департаменті шығарады.
Жоғары қарай