Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Павлодар облысы әкімінің портреті 700 мың теңгеге сатылды - баспасөз қызметі

2019 жылдың 26 желтоқсан 2019 15:34

ПАВЛОДАР. ҚазАқпарат – Болат Бақауовтың портреті жаңа жылдық қайырымдылық балында аукционға қойылды, деп хабарлайды ҚазАқпарат.

«Бұл картина кеше 700 мың теңгеге сатылды, ал 28-30 миллионға сатылды деген жүргізушілердің әзілі болатын», - деп түсініктеме берді ҚазАқпарат тілшісіне Павлодар облысы әкімінің баспасөз хатшысы Ернар Сейтахмет.

Аукционға қойылған Болат Бақауовтың портреті туралы екі минуттық видео әлеуметтік желілерде тарап кеткен. Онда екі әлеуетті сатып алушы арасындағы негізгі «тартыс» көрсетілген. Ол видео Жаңа жылға арналған қайырымдылық балы кезінде Павлодардың «Ертіс» қонақ үйінде түсірілген. Жазбада он екі миллионнан басталған сауда жазылып қалған. Аукционның қызған кезінде екі жүргізуші тіпті саудаласушылардың сахнаға шығуын өтінген. Ол уақытта аймақ әкімінің портретін сатып алуға үміткерлер қалмаған болатын.

«Бұл картинаны әкімге ауған соғысы ардагерлері сыйлаған болатын », - деп атап өтті Е. Сейтахмет.

Ол жаңа жылдық балдан, оның ішінде аукционнан, шаралардан, осы лотадан түскен барлық қаражат қайырымдылққа жұмсалатынын айтты.

Жақында ғана Павлодар облысы әкімінің журналистермен кездесуінде Болат Бақауов кіру бағасы 25 000 теңге тұратын бұл шарадан түскен қаржы зағип және көру қабілеті нашар адамдарға көмекке берілетінін айтқан болатын.

Жоғары қарай