Ауа райы
Астана 8 °С
Алматы 10 °С
валюта бағамы
USD 421.58
EUR 496.83
RUB 5.53
CNY 62.20

Пандемиямен күрес: Қостанайлық кәсіпорын қайырымдылыққа 80 млн теңге бағыттаған

2020 жылдың 12 тамыз 2020 14:40

ҚОСТАНАЙ.ҚазАқпарат – Қостанай облысында демеушілердің қаражаты есебінен оттегі концентраторлары сатып алынды, деп хабарлайды ҚазАқпарат тілшісі.

Коронавирус пандемиясы басталғалы жергілікті кәсіпорындар медицина ұйымдарына көмектесіп келеді. Бұл жолы Бейімбет Майлин ауданының ауруханасына инфрақызыл термометрлер, маскалар, респираторлар, індетпен күресте киетін костюмдер және басқа да қажетті заттар жеткізілді.

«Төтенше жағдай және карантин кезеңі жарияланғаннан кейін «Варваринское» АҚ қайырымдылық акцияларына қосылып, пандемиямен күреске қаражат бөле бастады. Бірінші кезеңде медицина қызметкерлері үшін қорғаныс құралдарын алуға көмек көрсетілді. Екінші кезеңде «Варваринское» АҚ аудандық ауруханаға жабдықтар, атап айтқанда 5 компьютер мен 2 электрокардиограф жеткізді. Қайырымдылық көмек тамыз айында да жалғасты. Күні кеше аудандық ауруханаға көпфункционалды кереуеттер, электрокардиографтар, зертханалық жабдықтар, дефибрилляторлар әкелінді. Аудан әкімдігі мен «Варваринское» АҚ кәсіпорны арасындағы әлеуметтік-экономикалық ынтымақтастық туралы меморандумға қол қойылды», - деп хабарлады аудандық ішкі саясат бөлімінен.

Жалпы, аталмыш кәсіпорын пандемиямен күреске 80 млн теңгеден астам қаржы жұмсаған.


Жоғары қарай