Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Пандемия кезіндегі 42 500 теңге аясындағы дау-дамайдың себебі анықталды

2021 жылдың 16 қыркүйек 2021 00:04

НҰР-СҰЛТАН. ҚазАқпарат – Өткен жылы елімізде пандемия етек жайғанда халық жұмыссыз қалып, мемлекет тарапынан уақытша қаржылық қолдаудың көрсетілгені аян. Айта кетсек, 42 500 теңге аясында көптеген сұрақтар мен күдіктің туындағаны рас. Араға біраз уақыт салып аталған мәселеге қатысты түсініктеме берілді, деп хабарлайды ҚазАқпарат тілшісі.

«Өткен жылы басталған пандемия бізге нені көрсетті? Ол цифрландырудың маңыздылығын көрсетіп отыр. Мысалға айтар болсам, өткен жылы елімізде 42 500 теңгенің халыққа қалай берілгенін білесіздер. Дау-дамай туды, шулаттық, халықтың қиналғаны рас. Қалай істедік, біз алдымен халықтан өтініш қабылдадық, оған біздің EGOV төтеп бере алмай басқа портал аштық. Өтініш қабылданған соң, кімге беру немесе бермеу керек екенін анықтау үшін 1 ай уақыт жоғалтып алдық. Ал негізінде цифрлық түрде оны 1 күннің ішінде анықтауға болар еді. Осы орайда аталған қателікті қайталамау үшін біз бүгінде мемлекеттік қызметті бір алаңда яғни бір платформа арқылы көрсету керек деген ойға келіп отырмыз»,- деді ҚР Цифрлық даму, инновациялар және аэроғарыш өнеркәсібі министрі Бағдат Мусин «Ашық алаң» телебағдарламасында.

Бұған дейін министр EGOV мемлекеттік қызмет айналасындағы қауесетке қатысты түсініктеме берген еді.

Жоғары қарай