Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Өскеменде көпқабатты үйден өрт шығып, 15 адам эвакуацияланды

2021 жылдың 17 сәуір 2021 12:38

ӨСКЕМЕН. ҚазАқпарат. Өскемен қаласында көпқабатты тұрғын үйден өрт шығып, 15 адам эвакуацияланды, деп хабарлайды ҚазАқпарат тілшісі.

Шығыс Қазақстан облыстық Төтенше жағдайлар департаменті баспасөз қызметінің мәліметіне сүйенсек, бүгін Новорабочая көшесіндегі тұрғын үйдің 2-ші қабатындағы пәтерден өрт шыққан. Қызыл жалын есіктің ағаш құрылымдары мен қабырғаны шарпыды.

«Оқиға орнына жедел жеткен құтқарушылар бірінші кезекте 15 тұрғынды, оның ішінде 4 баланы эвакуациялады. Көп ұзамай тілсіз жау толықтай ауыздықталды. Өрттің шығуына - электр жабдықтарын пайдалану және монтаждау кезінде өрт қауіпсіздігі ережелерін сақтамау себеп болған», - деп хабарлады ведомство өкілдері.

Осы ретте, департамент мамандары өңір жұртшылығына өрт қауіпсіздігі талаптарын бұзбау қажеттігін ескертеді. Өрт болған жағдайда дереу «101» немесе «112» нөмірлеріне хабарласу керек.


Жоғары қарай