Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Өскеменде базарда жалғыз жүрген баланың ата-анасы іздестірілуде

2021 жылдың 13 қыркүйек 2021 15:26

ӨСКЕМЕН. ҚазАқпарат – Өскемен қаласында базарда жалғыз жүрген баланың ата-анасы табылмай жатыр, деп хабарлайды ҚазАқпарат тілшісі.

Қалалық Полиция басқармасы баспасөз қызметінің мәліметіне сүйенсек, бүгін сағат 11.00-де полиция қызметкерлеріне базарлардың бірінде жалғыз жүрген бүлдіршін жайлы ақпарат түсті. Оқиға орнына келіп жеткен тәртіп сақшылары 3-4 жас шамасындағы баланы көрген.

«Қазіргі уақытта бала Протозанов көшесі, 37а мекенжайындағы полиция бөлімшесіне жеткізілді. Ол мүлде сөйлемейді. Бүлдіршіннің ата-анасы іздестіріліп жатыр», - деп хабарлады ведомство өкілдері.

Осы ретте, полиция қызметкерлері баланың әке-шешесін немесе туыстарын білетін азаматтардан «102» жедел арнасына немесе 8(771)-485-49-94 телефон нөміріне хабарласуларын сұрайды.


Жоғары қарай