Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Орынборда ішімдікке уланып көз жұмғандар саны 29 болды

2021 жылдың 9 қазан 2021 21:44

ОРЫНБОР. ТАСС-ҚазАқпарат - Ресейдің Орынбор облысында ішімдіктен уланып қайтыс болғандар саны артты, деп хабарлайды ҚазАқпарат ТАСС агенттігіне сілтеме жасап.

«Ресей тергеу органдары Орынбор облысындағы ішімдіктен улану оқиғасы бойынша қылмыстық істі жан-жақты тергеп жатыр. Осы уақытқа дейін тергеу барысында Орынбор облысының төрт аумақтық бөлінісінде тұратын 29 адамның қазасының егжей-тегжейі зерделеніп жатыр. Зардап шеккен басқа да адамдарға тиісті көмек көрсетілуде» делінген Ресей тергеу комитетінің сайтында жарияланған мәліметте.

Еске сала кетейік, Ресейдің Орынбор облысында елуден астам адам алкогольді ішімдікке уланып, ауруханаға түскен. Оның 29-ы көз жұмды.

Контрафакт ішімдіктен улану туралы хабар 7 қазан күні түнде түскен.

Тергеушілер мен полицейлер қойма мен өндіріс бекетін тауып, 600 литр спирті бар сұйықтықты тәркіледі.

Алты қылмыстық іс қозғалды. Алкоголь өнімдерін заңсыз өндіріп, сақтаған және сатқан 9 адам ұсталды.




Автор Жанат Қапалбаева
Басты сөздер: Әлем, Ресей, Оқиға,
Жоғары қарай