Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Оралдық әйел 6-қабаттан секірмек болды

2021 жылдың 28 қазан 2021 16:29

ОРАЛ. ҚазАқпарат – Оралда 35 жастағы әйел алтыншы қабаттан секіріп кетпек болды, деп хабарлайды ҚазАқпарат тілшісі.

БҚО полиция департаментінің баспасөз қызметі мәлім еткеніндей, оқиға 27 қазан күні шамамен сағат 01.37-де Д.Қонаев шағынауданы 60-үйде болды.

Азаматтық некедегі күйеуімен сөзге келген 1986 жылғы әйел балконнан секіремін деп қорқытқан. Сол сәтте аяғы тайып кетіп, құлап бара жатқан әйелді күйеуі ұстап үлгеріп, құтқарып қалған.

Аталған әйелмен профилактикалық мақсатта әңгіме жүргізілді.

Сонымен қатар бұл отбасының жалдамалы пәтерде тіркеусіз тұратыны анықталды. Соған байланысты жалға беруші мен жалға алушыға қатысты ҚР Әкімшілік құқықбұзушылық кодексінің 493 және 492-баптарына сәйкес хаттама толтырылды.

Еске сала кетейік, бұдан бұрын БҚО-да учаскелік полиция инспекторының мал ұрлады деген күдікпен ұсталғанын жазған болатынбыз.




Жоғары қарай