Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Оралда тоғыз қабатты үйдегі өрттен 30 адам эвакуацияланды

2021 жылдың 22 қараша 2021 16:43

ОРАЛ. ҚазАқпарат – Оралда тоғыз қабатты үйдегі өрттен 5 адам құтқарылып, 30 адам эвакуацияланды, деп хабарлайды ҚазАқпарат тілшісі.

БҚО ТЖ департаментінің баспасөз қызметі мәлім еткеніндей, оқиға 22 қараша күні Құрманғазы көшесі 210/1- мекенжайында болды.

Сағат 13.02-де 3 және 4 қабат арасындағы электр қалқаны, сондай-ақ 3-тен 5 қабатқа дейін 9 метр электр кабелі жанды.

ТЖ департаментінің күшімен 5 адам құтқарылса, соның үшеуі – балалар. Оған қоса 30 адам шығарылды, оның төртеуі – балалар.

Зардап шеккендер жоқ.

Өрт сағат 13.41-де оқшауланып, 13.56-да сөндірілді. Қазіргі кезде өрттің шығу себебі, келтірілген шығын, кінәлі адамдар анықталу үстінде.

Еске сала кетейік, бұдан бұрын Оралда автокөліктен түк қалмай жанып кеткенін жазған болатынбыз.



Жоғары қарай