Ауа райы
Астана 1 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Оралда көпқабатты тұрғын үй өртеніп, 30 адам эвакуацияланды

2020 жылдың 19 қыркүйек 2020 21:50

ОРАЛ. ҚазАқпарат – Оралда бес қабатты тұрғын үйде өрт шығып, 30 адам эвакуацияланды, деп хабарлайды ҚазАқпарат тілшісі.

БҚО ТЖ департаментінің баспасөз қызметі мәлім еткеніндей, оқиға 19 қыркүйек күні сағат 19.17-де Дәулеткерей көшесі 31-үйде орын алды.

Осы үйдің бесінші қабатындағы 12-пәтерде жеке заттар жанды. Өрт аумағы 25 шаршы метрді қамтыды.

«Тілсіз жау» сағат 19.36-да оқшауланып, 19.50-де ауыздықталды.

Оқиға орнынан 30 адам шығарылса, соның бесеуі – балалар. Зардап шеккен бір адам жедел жәрдем бригадасына тапсырылды.

Қазіргі кезде өрттің шығу себебі, келтірілген шығын, кінәлі адамдар анықталу үстінде. Облыстық денсаулық сақтау басқармасы баспасөз қызметінің қосымша нақтылауынша, 47 жастағы ер адам оң жамбасы мен білегінен күйік жарақатын алған. Ол мас күйінде болған. 43 жастағы ер адам жеңіл дәрежеде газдан уланған. Екеуі де қалалық көпбейінді аурухананың хирургиялық бөлімшесіне жатқызылды.

Еске сала кетейік, бұдан бұрын Оралда із-түзсіз жоғалып кеткен ер адамның мүрдесі табылғанын жазған болатынбыз.







Жоғары қарай