Ауа райы
Астана -2 °С
Алматы 5 °С
валюта бағамы
USD 421.58
EUR 496.83
RUB 5.53
CNY 62.20

Оралда «Қазақтың Қадыры» атты жыр мүшәйрасы мәреге жетті

2020 жылдың 26 қыркүйек 2020 18:28

ОРАЛ. ҚазАқпарат - Оралда ақын, Мемлекеттік сыйлықтың лауреаты Қадыр Мырза Әлидің 85 жылдығына арналған «Қазақтың Қадыры» атты облыстық жыр мүшәйрасы мәреге жетті, деп хабарлайды ҚазАқпарат тілшісі.

Қадыр Мырза Әли атындағы облыстық мәдениет және өнер орталығы ұйымдастырған жастардың өлең бәйгесіне барлығы 36 үміткер қатысып, бақ сынады.

Қазылар алқасының шешімімен оралдық Айбол Исламғали бас жүлдені (100 мың теңге) жеңіп алды.

Жеңімпазға жүлдені ақын, Мемлекеттік сыйлықтың лауреаты, Қазақстан Жазушылар одағының басқарма төрағасы Ұлықбек Есдәулет тапсырды.

Сондай-ақ тағы бір жас талант, жаңақалалық Мәрлен Ғилымхан бірінші орынға көтерілді.

Бөрлілік Мейрамбек Сыдық екінші, М.Өтемісов атындағы Батыс Қазақстан университетінің І курс студенті Әділ Ахметов пен сырымдық Бауыржан Ширмединұлы үшінші орынға ие болды.

Арнайы екі сыйлық жаңақалалық Ернар Жақсыбаев пен ақжайықтық Абылайхан Мақсұтовқа бұйырды.


Жоғары қарай