Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Оралда апатты үйлерде тұрған 64 тұрғын баспаналы болды

2021 жылдың 31 желтоқсан 2021 00:21

ОРАЛ. ҚазАқпарат - Оралда Жаңа жыл қарсаңында апатты үйлерде тұрған 64 тұрғын баспаналы болды, деп хабарлайды ҚазАқпарат тілшісі.

Қаланың солтүстік-шығыс бөлігінде салынған 9 қабатты тұрғын үйдегі пәтерлер жалғыз баспанасы апатты деп танылған азаматтарға берілді.

Аталмыш нысанды «ЖайықСельСтрой» ЖШС бір жарым жыл ішінде салып бітірді. Мұндағы пәтерлердің 32-сі - екі бөлмелі, қалған жартысы - бір бөлмелі.

Жаңа үйдің ашылу рәсіміне қатысқан Орал қаласының әкімі Абат Шыныбеков шаһарда апатты үйлер мәселесі мемлекеттік - жекешелік әріптестік аясында шешіліп келе жатқанын жеткізді.

«Аталмыш тұрғын үй облыс әкімдігі мен «КПО б.в.» компаниясы арасындағы келісімге сәйкес салынды. Жалпы, 2015 жылдан бері қалада 29 апатты үй сүріліп, орнына 9 қабатты тұрғын үй бой көтерді. Бұл бағыттағы жұмыстар жаңа жылда да жалғасын табады», - деді қала басшысы.












Еске сала кетейік, бұдан бұрын Оралда жаңа мектеп ашылғанын жазған болатынбыз.



Жоғары қарай