Ауа райы
Астана -7 °С
Алматы 0 °С
валюта бағамы
USD 379.75
EUR 415.18
RUB 5.78
CNY 54.19

Оралда 2 автокөлік соғысып, екі қыз ауруханаға жеткізілді

2020 жылдың 16 қаңтар 2020 23:25

ОРАЛ. ҚазАқпарат – Оралда қос автокөлік соқтығысып, екі қыз ауруханаға жеткізілді, деп хабарлайды ҚазАқпарат тілшісі.

Оқиға бүгін Зачаган кентіндегі Жәңгір хан көшесі бойында болды.

«ВАЗ-2114» және «Ауди» автокөліктері соқтығысты. Соның салдарынан «ВАЗ-2114» автокөлігінің жүргізушісі мен жолаушысы зардап шекті.

Облыстық денсаулық сақтау басқармасының баспасөз хатшысы Айнагүл Сақпосынованың айтуынша, жедел жәрдемге сағат 11.36-да қоңырау шалынды. Бригада 11.41-де жетті.

Зардап шеккендердің екеуі де – 1997 жылғы қыздар. Алдын ала мәліметке қарағанда, жабық бас-ми жарақатын алып, миы шайқалған. Олар қалалық көпбейінді ауруханаға жеткізілді.

«Қыздардың біреуі амбулаторлық ем алуға жіберілді. Жабық бас-ми жарақатын алған екіншісінің жағдайы қалыпты», деді ҚазАқпарат тілшісіне А.Сақпосынова.

Еске сала кетейік, бұдан бұрын БҚО-да көлік аударылып, екі жігіттің қаза тапқанын жазған болатынбыз.




Жоғары қарай

Warning: file_put_contents(): Only 0 of 15740 bytes written, possibly out of free disk space in /home/admin/web/lenta.inform.kz/public_html/system/classes/Kohana/Core.php on line 920