Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Оңтүстік өңірдегі жанармай мәселесі: Вице-министр түсініктеме берді

2021 жылдың 22 маусым 2021 18:03

НҰР-СҰЛТАН. ҚазАқпарат – Мұнай өнімдерінің көтерме сауда бағасы бір қалыпта тұр. Бұл туралы ҚР Энергетика вице-министрі Әсет Мағауов мәлім етті, деп хабарлайды ҚазАқпарат тілшісі.

Орталық коммуникациялар қызметіндегі баспасөз мәслихатында Түркістан облысының шалғай аудандарында дизель отыны мүлдем сатылмай отырғаны, кебір жерлерде литріне 300 теңгеге дейін қымбаттағаны, ал сұйытылған газ 10 күннен бері таломен сатылып жатқаны туралы сұрақ қойылды.

Өз кезегінде Ә. Мағауов кешеден бері оңтүстік өңірлерде мұнай өнімдерін жөнелту көлемі артқанын жеткізді.

«1-2 күнде жағдай тұрақтанады деген ойдамыз. Мұнай өнімдерінің көтерме сауда бағасы бір қалыпта тұрғанын айтқым келеді, ешқандай өзгеріс жоқ. Мүмкін жанар-жағармай құю станцияларында өздерінің шешімімен бағаны қойып жатқан шығар. Кейбір отын құю орындары қазіргі жағдайды пайдаланып, бағаны көтеруі ықтимал. Бірақ алдағы уақытта бағаны түсіруге мәжбүр болады. Өйткені көтерме баға өзгермеді, бұрынғы құнымен келеді», - деді вице-министр.

Сонымен қатар ол мұнай өнімдерін сататын компаниялар арасында баға бойынша өзара келісімдер болып жатса, онда тиісті органдар тексеру жүргізетінін айтты

Бұдан бұрын хабарланғандай, Ә. Мағауов таяу күндері оңтүстік өңірлерде мұнай өнімдеріне қатысты жағдай тұрақтанатынын айтты.



Жоғары қарай