Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Оңтүстік-Қытай теңізінде F-35 жойғыш ұшағы апатты жағдайда қонды

2022 жылдың 25 қаңтар 2022 16:34

БЕЙЖІҢ. ҚазАқпарат – F-35 жойғыш ұшағының АҚШ ӘТК «Карл Винсон» авиатасымалдағышына апатты жағдайда қонуынан жеті теңізші зардап шекті. Бұл туралы АҚШ Тынық мұхиты флотының баспасөз қызметі мәлімдеді, деп хабарлайды ҚазАқпарат.

Хабарламаға сәйкес, Оңтүстік-Қытай теңізіндегі жазғы жоспарлы операцияларды атқару барысында «Карл Винсон» авиатасымалдағышының палубасына F-35 Lightning II жойғыш ұшағын қондыру кезінде келеңсіздік туындаған. Ұшқыш сәтті катапульта жасап, әскери тікұшақпен құтқарылды. Денсаулығы қалыпты жағдайда.

Оқиға салдарынан жеті теңізші зардап шекті, олардың үшеуі Филиппин ауруханасына жеткізілді. Төртеуіне штаттағы дәрігер мамандар медициналық көмек көрсетті.

Оқиға себептері анықталып жатыр.



Фото: www.navalnews.com


Басты сөздер: Оқиға, Әлем,
Жоғары қарай