Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Облыс әкімдері Азық-түлік корпорациясына астықты толық көлемде жеткізуі керек - АШМ

2021 жылдың 21 қыркүйек 2021 10:01

НҰР-СҰЛТАН. ҚазАқпарат – Облыс әкімдері Азық-түлік корпорациясына астықты толық көлемде жеткізуі керек. Бұл туралы бүгін Үкімет отырысында ҚР Ауыл шаруашылығы министрі Ербол Қарашөкеев айтты, деп хабарлайды ҚазАқпарат тілшісі.

21 қыркүйектегі жағдай бойынша Азық-түлік корпорациясының ресурстарына 119 мың тонна астық жеткізілді. Бұдан бөлек Азық-түлік корпорациясының 426 мың тонна көлеміндегі резервтік астық қоры бар. Аталған астық көлемі, қажет болған жағдайда, ішкі нарықты тұрақтандыру және азық-түлік қауіпсіздігін қамтамасыз ету мақсатында ішкі нарыққа жіберілетін болады», - деді министр.

Осыған байланысты Ербол Қарашөкеев Үкімет басшысы Асқар Маминнен облыс әкімдеріне Азық-түлік корпорациясының ресурстарына форвардтық сатып алу аясында астықты толық көлемде жеткізуді тапсыруын өтінді.

«Егін жинау және астық қабылдау жұмыстарын жүргізу мәселесі министрліктің тұрақты бақылауында», - деді ол.


Жоғары қарай