Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Нұрлан Нығматулин БАҚ өкілдерінің Мәжілістегі іс-шараларға қатысуына қатысты пікір білдірді

2021 жылдың 20 қазан 2021 10:24

НҰР-СҰЛТАН. ҚазАқпарат – Парламент Мәжілісінің төрағасы Нұрлан Нығматулин БАҚ өкілдері оффлайн форматта палатадағы іс-шараларға қатысуына байланысты пікір білдірді, деп хабарлайды ҚазАқпарат тілгісі.

Мәжіліс төрағасы коронавирус індетіне байланысты шектеулер енгізілгендіктен, журналистер қалыпты режимде жұмыс істей алмағанын еске салды.

«Баршаңыз жақсы білесіздер, індетке байланысты соңғы бір жарым жыл ішінде ақпарат өкілдері Парламенттің, Үкіметтің де ешқандай шараларына қатыса алмады. Сондықтан бүгінгі отырысымыздың бір ерекшелігі – ол осы бір жарым жыл ішінде журналистер бірінші рет келіп отыр. Әрине, бұл жақсы жағдай, себебі біз үшін де, БАҚ өкілдері үшін де оффлайн жұмыс өте қажет әрі маңызды», - деді Н. Нығматулин Мәжілістің жалпы отырысында.

Ол өткен бір жарым жыл ішінде Мәжілістегі іс-шаралар онлайн режимде көрсетілгенін атап өтті.

«Жалпы отырыстан кейін журналистердің заң жобалары бойынша депутаттарға, министрлерлерге, мемлекеттік органдар басшыларына сұрақ қою тәжірибесін жалғастырамыз», - деді Мәжіліс төрағасы.


Автор Руслан Ғаббасов
Басты сөздер: Парламент, БАҚ,
Жоғары қарай