Ауа райы
Астана -18 °С
Алматы -9 °С
валюта бағамы
USD 421.58
EUR 496.83
RUB 5.53
CNY 62.20

Нурдинжон Исмоилов: Нұрсұлтан Назарбаев – Қазақстан мемлекеттілігінің бастауында тұрған көрнекті тұлға

2020 жылдың 26 қараша 2020 17:59

НҰР-СҰЛТАН. ҚазАқпарат - Өзбекстанның Олий Мәжілісі заң шығару палатасының Спикері Нурдинжон Исмоилов қазақстандықтарды Тұңғыш Президент күнімен құттықтады. Бұл туралы Қазақпарат Мәжілістің баспасөз қызметіне сілтеме жасап хабарлайды.

Тұңғыш Президент күніне орай «Елбасы Н.Ә.Назарбаевтың Қазақстандағы парламентаризмнің қалыптасуы мен дамуындағы рөлі» атты Мәжіліс ұйымдастырған халықаралық конференцияда сөз сөйлеген Нурдинжон Исмоилов Қазақстанның Тұңғыш Президенті Н.Ә.Назарбаевты Қазақстан мемлекетін құрудың бастауында тұрған көрнекті тұлға екенін айтты.

Сонымен қатар Нұрсұлтан Назарбаевтың Қазақстанның және бүкіл Орталық Азия аймағының мүдделері үшін ынтымақтастықты дамытуға деген ұмтылысын ерекше атап өтті.

«ҚР Тұңғыш Президенті күнін мерекелеу Өзбекстан мен Қазақстан арасындағы стратегиялық серіктестік тамырын тереңдете түседі және екі елдің басшылары Шавкат Мирзиеев пен Қасым-Жомарт Тоқаевтың көпжоспарлы ынтымақтастығын нығайтудағы жоғары рөлін атап өтуге мүмкіндік береді» - деді Өзбекстанның заң шығару палатасының спикері.

Нурдинжон Исмоиловтың айтуынша, қос ел арасындағы стратегиялық өзара байланыс дәстүрлі түрде жоғары деңгейде әлемдегі қазіргі эпидемиологиялық жағдайға қарамастан, қарқынды дамып келеді.

Өзбекстанның заң шығару палатасының Спикері екі ел арасындағы Парламентаралық ынтымақтастықты жоғары бағалап:

«Біз, екі елдің парламентшілері, мемлекетаралық ынтымақтастықты дамытуға өз үлесімізді қосуға дайынбыз және өз құзыретіміз шеңберінде оны кеңейтуге үлес қосамыз», - деді Нурдинжон Исмоилов.


Жоғары қарай