Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

قانداسىمىز قالياكبار ۇسەمحان ۇلى رەسپۋبليكالىق «Nur Sunqar» بايقاۋىندا توپ جاردى

2021 жылдың 25 маусым 2021 07:47

استانا. قازاقپارات -«Nur Otan» پارتياسى ۇيىمداستىرعان«Nur Sunqar» رەسپۋبليكالىق بايقاۋىنىڭ قورتىندىسى جاريالاندى دەپ حابارلايدى قازاقپارات.

بۇقارالىق اقپارات قۇرالدارى قىزمەتكەرلەرى كۇنىنە وراي 12 - رەت ءوتىپ جاتقان كونكۋرستا «استانا اقشامى» گازەتىنىڭ ءتىلشىسى قالياكبار ۇسەمحان ۇلى «ۇشقىر قالام» يەگەرى اتانىپ، 1 ميلليون تەڭگەنى قانجىعاسىنا بايلادى.

پارتيانىڭ باسپا ءسوز قىزمەتى تاراتقان اقپاراتقا سايكەس، «ەلباسى سالعان سارا جول» اتالىمى بويىنشا «ورتالىق قازاقستان» گازەتىنىڭ ءتىلشىسى ەرسىن مۇسابەكوۆ جەڭىمپاز دەپ تانىلدى. «تاۋەلسىزدىك تاعىلىمى» نوميناتسيسىمەن «انا ءتىلى» گازەتىنىڭ ءتىلشىسى نۇرپەرزەنت دومباي جانە «azattyq-ruhy.kz» اقپاراتتىق- ساراپتامالىق اگەنتتىگى باس رەداكتورىنىڭ ورىنباسارى ارداق سەيىتقازين ماراپاتتالدى.

«تەليەۆيزيا ۇزدىگى» نوميناتسياسى بويىنشا «Atameken Business» تەلەارناسىنىڭ ءجۋرناليسى مەيرامگۇل ءمادالى ماراپاتتالدى. ال، «پارتيا جارشىسى» اتالىمىنا قازىلار القاسى «حابار» اگەنتتىگىنىڭ ءتىلشىسى يرينا كامىشوۆانىڭ ەڭبەگىن لايىقتى دەپ باعالادى.

«Nur Sunqar» بايقاۋىنىڭ «بلوگوسفەرا ۇزدىگى» مۇسىنشەسى «Newsroom.kz» پورتالىنىڭ باس رەداكتورى ولجاس بەركىنبايەۆقا بۇيىردى. «YouTube ۇزدىگى» دەپ نارتاي ارالباي ۇلى تانىلدى.

«QazNet ۇزدىگى» نوميناتسياسىن «Tengrinews.kz» اقپارات پورتالىنىڭ تىلشىلەرى رەنات تاشكينبايەۆ پەن تۇرار قازانعاپوۆ جەڭىپ الدى.





«Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك مىرزانىڭ ايتۋىنشا، تاۋەلسىزدىكتىڭ 30 -جىلدىعى تۇسىندا «Nur Sunqar» سىيلىعىنىڭ تاپسىرىلۋى ەرەكشە مانگە يە بولىپ وتىر. ەلىمىزدەگى كوپتەگەن سالالار سەكىلدى ۇلتتىق اقپارات سالاسى دا شىن مانىندە نولدەن باستاپ قۇرىلىپ، كۇردەلى جولدان ءوتتى. بۇگىندە مەديا سالاسىندا قۋاتتى دا باسەكەگە قابىلەتتى بۇقارالىق اقپارات قۇرالدارى پايدا بولدى، جاڭا مەديا سەگمەنتى قارقىندى دامۋدا.

«ەلباسى، پارتيا ليدەرى نۇرسۇلتان نازاربايەۆ ايتقانداي، بۇقارالىق اقپارات قۇرالدارى جۇرتشىلىقتىڭ كوكەيىنە سەنىم ۇيالاتىپ، جەدەل دە وبەكتيۆتى اقپاراتتىڭ باستاۋى بولۋى ءتيىس. اسىرەسە، بۇل قازىرگىدەي بۇقارالىق ينفودەميا جانە فەيك جاڭالىقتار كەزەڭىندە ەرەكشە ماڭىزعا يە. وسىناۋ قاتەرلى قۇبىلىسقا قوعام مەن مەديا وكىلدەرى بىرلەسە وتىرىپ قارسى تۇرۋى ءتيىس دەپ ەسەپتەيمىن. بۇل رەتتە وتاندىق بۇقارالىق اقپارات قۇرالدارىنا ودان ءارى جۇيەلى تۇردە قولداۋ كورسەتۋ نەگىزگى مىندەتتەردىڭ ءبىرى بولىپ تابىلادى. ەل پرەزيدەنتى قاسىم- جومارت توقايەۆ ۇلتتىق مەديا سالاسىنىڭ ازاماتتار مەن مەملەكەتتىڭ اراسىنداعى كەرى بايلانىستى قامتاماسىز ەتۋدەگى ماڭىزدى ءرولىن اتاپ كورسەتىپ، ونىڭ دامۋىنا ەرەكشە نازار اۋدارۋدا»، دەدى باۋىرجان بايبەك

پارتيا ءتوراعاسىنىڭ ءبىرىنشى ورىنباسارى اتاپ وتكەندەي، «Nur Sunqar» وسىمەن 12- رەت وتكىزىلىپ وتىر. وسى ۋاقىت ارالىعىندا بۇل سىيلىق جۋرناليستەر قاۋىمداستىعى اراسىندا مەديا سالاسى قىزمەتكەرلەرىنىڭ ەڭبەگى مەن كاسىپقويلىعى باعالاناتىن بەدەلدى ماراپاتقا اينالدى.

«وكىنىشكە قاراي، پاندەميا ومىرىمىزگە ەلەۋلى وزگەرىستەر ەنگىزىپ وتىر. سونىڭ سالدارىنان وسىمەن ەكىنشى جىل قاۋىپسىزدىك شارالارى ەسكەرىلىپ، «Nur Sunqar» سىيلىعىن تابىستاۋ ونلاين- فورماتتا وتكىزىلىپ جاتىر. بيىل كونكۋرسقا قاتىسۋ ءۇشىن 291 ماتەريال ءتۇستى. كونكۋرستىق كوميسسيا جەڭىمپازداردى 8 نوميناتسيا بويىنشا انىقتادى، ولاردىڭ ەسىمدەرىمەن ۇسىنىلىپ وتىرعان بەينەروليكتەن تانىسۋعا بولادى. ەلىمىزدىڭ بيىلعى مەرەيتويى ەسكەرىلە وتىرىپ، قازاقستاننىڭ جەتىستىكتەرى تۋرالى ۇزدىك ماتەريالعا «تəۋەلسىزدىك تاعىلىمى» اتتى تاعى ءبىر نوميناتسيا تاعايىندالدى. «Nur Sunqar-2021» سىيلىعىنىڭ جەڭىمپازدارىن پارتيا باسشىلىعى اتىنان جانە جەكە ءوز اتىمنان قۇتتىقتايمىن! وسى مۇمكىندىكتى پايدالانىپ، مەديا سالاسىنىڭ وكىلدەرىن كاسىبي مەرەكەلەرى - بۇقارالىق اقپارات قۇرالدارى قىزمەتكەرلەرى كۇنىمەن قۇتتىقتاي وتىرىپ، مىقتى دەنساۋلىق، باق- بەرەكە جانە جاڭا شىعارماشىلىق جەتىستىكتەر تىلەيمىن!» ، دەپ تۇيىندەدى ول.

ايتا كەتەيىك، ق ح ر- ندا تۋىپ- وسكەن قالياكبار ۇسەمحان ۇلى شىنجاڭ ۋنيۆەرسيتەتىنىڭ تۇلەگى.

2004 -جىلدان 2018 -جىلعا دەيىن، «شىنجاڭ گازەتىندە» ءتىلشى بولىپ جۇمىس جاساعان ول قولامتالى تاقىرىپتاردى قوزعاۋمەن، جازۋ مانەرىنىڭ وزگەشەلىگىمەن وقىرمانداردىڭ ىقىلاسىنا بولەندى. «كوشكەن ەلدە كوپ شىعىن»، «جايلىمدى قورعاۋعا زاڭنىڭ دا قۇدىرەتى جەتپەي مە؟ «، «اياقپەن جازىلعان انت»، «جارىم دەنەسىنە جان ءبىتىرىپ.. .» سىندى ماتەريالدارى قىتايداعى قازاقتاردىڭ اراسىندا ۇلكەن سىلكىنىس تۋدىردى.

قالياكبار ۇسەمحان ۇلى قىتاي قازاق جۋرناليستيكاسىنا وزىندىك مانەرىمەن كەلگەن، قالامىنىڭ ۇشقىرلىعى، ءتىلىنىڭ شۇرايلىلىعىمەن تانىلعان ءتىلشى. قىتايداعى جۋرناليستەر اراسىندا جىل سايىن وتكىزىلەتىن بايقاۋ- «شىنجاڭ اقپارات» سىيلىعىنىڭ باس جۇلدەسىن 7 رەت، ەكىنشى ورنىن 8 رەت، ءۇشىنشى ورنىن 9 رەت جەڭىپ العان.

ق. ۇسەمحان ۇلى 2018 -جىلى اتا جۇرتقا ورالدى. 2019 -جىلدان باستاپ «استانا اقشامى» رەسپۋبليكالىق قوعامدىق- ساياسي گازەتتە ءتىلشى، شولۋشى بولىپ قىزمەت اتقارىپ كەلەدى. سونىمەن قاتار، «تۇران- استانا» ۋنيۆەرسيتەتىندە قازاق ءتىلى مەن ادەبيەتى بويىنشا ماگيسترلىق وقىعان ول جاقىندا «حالىقتىق تانىمداعى ۋاقىت ولشەمدەرىنىڭ سيپاتى» تاقىربىندا ديسسەرتاتسياسىن ۇزدىك ناتيجەمەن قورعادى.

قالياكبار ۇسەمحان ۇلى 2020 -جىلى اباي قۇنانباي ۇلى تۋعاندىعىنىڭ 150 جىلدىق مەرەيتويىنا ارنالعان رەسپۋبليكالىق بايقاۋدا «بوتەن سوزبەن بىلعانسا ءسوز اراسى» دەگەن ماقالاسىمەن ەكىنشى ورىندى جەڭىپ العان ەدى. ەندى مىنە بيىل رەسپۋبليكالىق «نۇرسۇڭقار» سىيلىعىنىڭ «ۇشقىر قالام» جۇلدەسىنىڭ يەگەرى اتانىپ وتىر.



Басты сөздер: مادةنيةت, قوعام,
Жоғары қарай