Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Нидерланд әлеуметтік қашық шектеуін алып тастады

2021 жылдың 15 қыркүйек 2021 08:10

НҰР-СҰЛТАН. ҚазАқпарат – Нидерланд Корольдігінде 18 айдай уақыт өткен соң коронавирус пандемиясы жағдайында қалыпты өмірге қайтып оралуға үлкен қадам жасап отыр, деп хабарлайды ҚазАқпарат DW сайтына сілтеме жасап.

14 қыркүйек күні Нидерланды премьер-министрі Марк Рютте 25 қыркүйектен бастап корольдікте 1,5 метр әлеуметтік қашықты сақтау ережесі жойылатынын мәлімдеді. Бұл адамдардың көпшілік жиналатын концерт, театр, мейрамханалар мен дәмханаларға баруына мүмкіндік береді. Енді елдің жоғарғы футбол дивизионының матчтары 2020 жылдың көктемінен бері адам толық жиналған стадиондарда өтеді.

Қоғамдық тамақтану орындары, мәдени және спорт шараларына келушілер екпе жасалғаны көрсетілген ковид құжатын немесе коронавируспен ауырғаны туралы анықтаманы, не SARS-CoV-2 вирусына анықтайтын тестінің теріс нәтижесін ұсынуы тиіс. Бұл ретте корольдік үкіметінің басшысы азаматтарды сақ болуға үндеді.

«Бұл коронавирус пандемиясына дейінгі уақыт емес, себебі инфекция жұқтыру оқиғалары әлі де көп, ауруханаларда дертке шалдыққан адамдар әлі қаншама», - деді Рютте.

Оның айтуынша, инфекцияның күзде қалай өрбитіні белгісіз. Ел үкіметі ковид құжатын енгізу арқылы тұрғындарды вакцина алуға ынталандырмақ. Бүгінде Голландия азаматтарының 63 пайызға жуығы екпе салдыртқан. Медицина билігінің бағалауынша, қазіргі кезде елде инфекцияның ірі ошағы – мектептер. Ауруханалардағы жағдай аздап жақсарған, бірақ әлі де күрделі болып қалуда.


Басты сөздер: Әлемдегі коронавирус, Әлем,
Жоғары қарай