Ауа райы
Астана 27 °С
Алматы 31 °С
валюта бағамы
USD 405.66
EUR 454.70
RUB 5.71
CNY 57.43

Найзағай, жел, аптап: Бірқатар өңірде ауа райына байланысты ескерту жарияланды

2020 жылдың 3 маусым 2020 15:25

НҰР-СҰЛТАН. ҚазАқпарат - Ауа райының бұзылуына байланысты бірнеше өңірде ескерту жарияланды, деп хабарлайды ҚазАқпрат Қазгидрометке сілтеме жасап.

4 маусымда Маңғыстау облысының солтүстігінде найзағай жарқылдайды. Оңтүстік-шығыстан соғатын жел солтүстік-батысқа ауысады. Желдің күші кей жерлерде 15-20 м/с жетеді.

Күндіз оңтүстікте 38 градус аптап ыстық сақталады.

4 маусымда Батыс Қазақстан облысында кей жерлерде күн күркірейді. Солтүстік-шығыстан және шығыстан күшті жел соғады. Күндіз кей жерлерде желдің жылдамдығы 15-20 м/с дейін күшейеді.

Күндіз Орал қаласында найзағай ойнап, солтүстік-шығыстан және шығыстан соққан желдің екпіні 18 м/с болады.

4 маусымда Атырау облысының кей жерлерінде күн күркірейді, оңтүстік- шығыстан соққан жел солтүстік-батысқа ауысады. Жел қарқыны - 15-20 м/с.


Жоғары қарай