Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Нью-Йоркте коронавирустың жаңа түрі анықталды

2021 жылдың 25 ақпан 2021 20:42

НЬЮ-ЙОРК. ҚазАқпарат – Калифорния технологиялық институты мен Колумбия университеті ғалымдарының пікірінше, коронавирус инфекциясының жаңа нұсқасында кездесетін мутация оған иммундық жүйенің әсерін сезінбеуге мүмкіндік береді, деп хабарлайды ҚазАқпарат The New York Times-қа сілтеме жасап.

Нью-Йорк қаласын қамтыған коронавирус инфекциясының жаңа түрінде вирусқа қарсы вакциналардың тиімділігін төмендетуге мүмкіндік беретін мутация бар.

B.1.526 жаңа нұсқасы қалада алғаш рет өткен жылдың қараша айында байқалған болатын. Осы жылдың ақпан айының ортасына қарай GISAID мәліметтер базасында тіркелген әрбір төртінші геномдар тізбегінде вирустың жаңа нұсқасы болды.

Зерттеулерді Калифорния технологиялық институты мен Колумбия университетінің ғалымдары жүргізді. Зерттеулер сараптамалық шолудан өтпегені және ғылыми журналдарда жарияланбағаны атап өтілді. Алайда, сарапшылардың пікірінше, жүйелі зерттеу нәтижелері вирустың нақты таралуын көрсетеді.

Қазіргі уақытта ғалымдар оның мутациясын бақылау үшін вирустың жаңа нұсқасының генетикалық материалын зерттеп жатыр.

Калифорния технологиялық институтының ғалымдары GISAID деректер базасының көмегімен вирус геномының жүздеген мың тізбегін сканерлегеннен кейін B. 1.526 вирусының таралуының өскенін анықтады.

Олар E484K және S477N екі мутациясының өсімін анықтады. Оңтүстік Африка мен Бразилияда байқалған мутацияның бірінші түрі вирусқа вакциналардың әсерінен аулақ болуға мүмкіндік береді, ал екіншісі жасушамен қаншалықты байланысқанына әсер етеді.

Ақпан айының ортасында мутацияның осы екі түрінің геномдарының үлесі қалада тіркелген барлық мутациялардың шамамен 27%-ын құрады. Қазіргі уақытта екі мутация да B.1.526 нұсқасының тобына біріктірілген.

Университет ғалымдары қала билігіне, сондай-ақ вирустың таралуын бақылау және алдын алу орталықтарына ескерту жасады.


Басты сөздер: Америка, Коронавирус, Әлем,
Жоғары қарай