Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Мен қазақ мәнерін көрсетемін: Жәнібек Әлімханұлы Лас-Вегасқа келді

2021 жылдың 24 маусым 2021 09:45

НҰР-СҰЛТАН. ҚазАқпарат – Орта салмақтағы қазақстандық боксшы Жәнібек Әлімханұлы (9-0, 5 КО) өзінің Лас-Вегасқа келгенін мәлім етті. Мұнда ол 26 маусым күні орта салмақ санатында WBA Regular бұрынғы әлем чемпионы Роб Брантпен (26-2, 18 КО) жұдырықтасады, деп хабарлайды ҚазАқпарат Sports.kz сайтына сілтеме жасап.

«Біз Лас-Вегастамыз. Сенбі күні Вегаста үлкен жаңалықтар болады және бүкіл әлем бұл туралы білетін болады. Вегаста не болып жатқаны Вегаста қалмауы керек. Мен қазақ мәнерін көрсетемін», - деп жазды Жәнібек Twitter-де.

Әлімханұлы – Брант жекпе-жегі Нұр-Сұлтан уақыты бойынша 27 маусым күні 08:00 шамасында басталады. Соңғы рет Жәнібек шаршы алаңға қазан айында шыққан болатын. Ол кезде аргентиналық Гонсало Корияны (16-4, 6 КО) нокаутпен жеңген еді. Роб Брант өзінің соңғы айқасын 2020 жылдың тамыз айында өткізіп, бесінші раундта украиналық Виталий Копыленконы (28-3, 16 КО) нокаутқа жіберді.

Басты сөздер: Спорт,
Жоғары қарай