Ауа райы
Астана 17 °С
Алматы 18 °С
валюта бағамы
USD 412.55
EUR 468.66
RUB 5.79
CNY 58.80

Мектеп директоры психологты жұмысқа қабылдау үшін пара алған

2019 жылдың 3 қазан 2019 21:27

НҰР-СҰЛТАН. ҚазАқпарат – Батыс Қазақстан облысы Теректі ауданында орта мектеп директоры пара алу күдігіне ілінді, деп хабарлайды ҚазАқпарат ҚР Сыбайлас жемқорлыққа қарсы іс-қимыл агенттігіне сілтеме жасап.

«Батыс Қазақстан облысының сыбайлас жемқорлыққа қарсы қызметі БҚО Теректі ауданы білім бөлімі Подстепный орта мектебінің директорына қатысты сотқа дейінгі тергеуді бастады. Ол мектепке әлеуметтік педагог-психолог ретінде жұмысқа алу үшін 300 мың теңге пара алған», - делінген агенттіктің ресми хабарламасында.

Кінәсін мойындауына байланысты күдікті мен оның адвокаты сотқа дейінгі жедел тергеу жүргізу туралы өтінімхат жіберген.

«Күдіктіге қатысты түпкілікті шешімді оның кінәсінің деңгейін анықтау арқылы сот қабылдайды», - деп хабарлады агенттік.

Жоғары қарай