Ауа райы
Астана 19 °С
Алматы 17 °С
валюта бағамы
USD 412.55
EUR 468.66
RUB 5.79
CNY 58.80

Мектеп директорларының жалақысы артады - министр

2020 жылдың 4 маусым 2020 12:47

НҰР-СҰЛТАН. ҚазАқпарат - Биылдан бастап мектеп директорлары мен олардың орынбасарлары аттестациядан өтіп, еңбекақысын көбейте алады. Бұл туралы ҚР Білім және ғылым министрі Асхат Аймағамбетов айтып берді, деп хабарлайды ҚазАқпарат тілшісі.

«Педагогтардың сапалық құрамын арттыру жұмыстары жүргізілді. Қазіргі уақытта 150 мыңнан астам педагог біліктілік санатын растап, лауазымдық еңбекақысының 30-50 пайызы көлемінде үстемеақы алып жатыр», - деді министр Фейсбук желісінде халық алдында есеп беру барысында.

Оның айтуынша, педагогтарды аттестациялау жүйесі жетілдіріліп, білім беру ұйымдарының басшыларын да аттестациядан өткізу талабы енгізілген.

«Жалпы ол - белгілі проблеманың бірі. Қазіргі уақытта директорлардың жалақысы өте аз, жеткіліксіз. Ол үшін бірнеше шара қабылдадық. Біріншіден, биыл және келесі 4 жыл ішінде жалақының екі есе өсуі директорларға да қатысты болады. Екіншіден, директорлар мен олардың орынбасарларын аттестациядан өткізу институты енгізілді. Яғни, енді директорлар мен олардың орынбасарлары өз жұмысының тиімділігін көрсеткен жағдайда ай сайынғы жалақысына 30-дан 100 пайызға дейін қосымша үстемеақы алатын болады», - деп түсіндірді А. Аймағамбетов.

Осы жүйе дайын, тиісті нормативтік-құқықтық актілерді дайындадық. Осы айдан бастап, мектеп директорлары мен олардың орынбасарлары осы жүйемен тест тапсыра бастайды.

«Оның нәтижесінде кей директорларды орнынан алу немесе басқа мектепке жіберу мүмкіндігі болады. Ал жақсы жұмыс істеп жатқан басшылар үстемеақы алып, әрі қарай өз жұмыстарын жалғастырады», - деді Білім және ғылым министрі.


Жоғары қарай

Warning: file_put_contents(): Only 0 of 15740 bytes written, possibly out of free disk space in /home/admin/web/lenta.inform.kz/public_html/system/classes/Kohana/Core.php on line 920