Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Медициналық сақтандыру жүйесі: Жеке клиникаларда тегін емделуге болады

2021 жылдың 1 наурыз 2021 01:03

НҰР-СҰЛТАН. ҚазАқпарт - МӘМС жүйесі бір әкімшілік-аумақтық бірлік шегінде бастапқы медициналық-санитарлық көмек ұйымын, яғни емхананы еркін таңдауға мүмкіндік береді. Бұл ереже жеке клиникаларға да қолданылады. Тек бір ғана шарт – клиника Қормен келісімшартқа отырған қызмет жеткізуші болуы және МӘМС бойынша қызметтер көрсетуі шарт. Бұл туралы ҚазАқпарат Қорға сілтеме жасап хабарлайды.

МӘМС жүйесі енгізілгелі бері сұранысқа ие КТ, МРТ, жоғары технологиялық медициналық қызметтер, консультациялық-диагностикалық қызметтер, т.б. (пациенттің ақысыз тексерілуі, емделуі, дәрігер мен бейінді маманның кеңесі, консультациялық-диагностикалық қызметтер, оқалту қызметтер, т.б.) медициналық қызмет түрлерін барлық азаматтардың алу мүмкіндігі артты.

«Нұр-Сұлтан қаласы бойынша 2021 жылы медициналық қызмет көрсету үшін Медициналық сақтандыру қорымен 107 қызмет жеткізуші медициналық ұйым келісімшарт жасады, олардың 32-і – мемлекеттік, 67-сі – жекеменшік, 8-і республикалық медицина ұйымдары. ТМККК және МӘМС бойынша медициналық қызмет көрсететін қызмет жеткізушілердің тізімін Қордың ресми сайтынан табуға болады» - дейді «Әлеуметтік медициналық сақтандыру қоры» КеАҚ Нұр-Сұлтан қаласы бойынша филиалының баспасөз қызметі.

МӘМС бойынша мемлекеттік медицина ұйымдарында да, жекеменшік медицина орталықтарында да қызмет көрсетіледі.


Жоғары қарай