Ауа райы
Астана -20 °С
Алматы -7 °С
валюта бағамы
USD 421.58
EUR 496.83
RUB 5.53
CNY 62.20

Майк Тайсон мен Рой Джонс жекпе-жегі тең нәтижемен аяқталды

2020 жылдың 29 қараша 2020 11:34

НҰР-СҰЛТАН. ҚазАқпарат– 15 жылдан кейін кәсіпқой рингке қайта оралған бокс аңызы Майк Тайсон мен төрт салмақ дәрежесіндегі әлемнің экс-чемпионы Рой Джонс арасында жекпе-жек өтті, деп хабарлайды ҚазАқпарат.

8 раундқа созылған жекпе-жекте Майк Тайсон айқын басымдық таныта білді. Айқас соңына дейін ауыр соққылар бағыттап, өте жақсы физикалық жағдайын көрсетті.

Ал қарсыласы Рой Джонс ауыр соққылардан сәтті жалтарып, қорғанысқа көңіл бөлді.

Қорытындысында екі боксшы арасындағы айқас төрешілер шешімімен (76-76/79-73/80-76) тең нәтижемен аяқталды.

Айта кетейік, 54 жастағы Майк Тайсон бұған дейін рингке қайта оралатынын жариялап, қарсылас ретінде 51 жастағы Рой Джонсты таңдаған болатын.

Боксшылардың жасын ескере отырып, айқас өнер көрсету стилінде өтті. Сондай-ақ, әр раунд 2 минутқа есептелген.

Жекпе-жек аяқталғаннан кейін Майк Тайсон өзін өте жақсы сезінетінін және қайта айқасуға дайын екенін жеткізді.



Автор Мұхтар Қалимоллаұлы
Басты сөздер: Бокс, Спорт,
Жоғары қарай