Ауа райы
Астана 19 °С
Алматы 18 °С
валюта бағамы
USD 405.69
EUR 455.51
RUB 5.72
CNY 57.42

Мәскеуде ер адам банкте адамдарды тұтқынға алып, ғимаратты жарып жібермек болды

2020 жылдың 23 мамыр 2020 19:00

МӘСКЕУ. ТАСС - ҚазАқпарат - Мәскеуде ер адам «Альфа-банк» ғимаратындағы адамдарды тұтқынға алып, ғимаратты жарып жіберетінін айтып қорқытқан, деп хабарлайды ТАСС.

Шұғыл қызметтердегі ақпарат көзінің мәліметінше, қаскөйдің қолында кем дегенде бес адам болған. Ол үстіне қара күрте мен спорт шалбарын киген, бетінде қара маскасы бар.

«Қолына сары пакет ұстап алған. Оның айтуынша, пакетте жарылғыш зат бар», - деп мәлім етті ақпарат көзі.

Құқық қорғау органдары онымен келіссөз жүргізген. Оқиға орнында барлық шұғыл қызметтердің өкілдері жұмыс істеп жатыр.

«Қазір ғана арнайы жасақ сарбаздары «Альфа банк» ғимаратына басып кіріп, ер адамды ұстады. Оның қолындағы жарылғыш зат емес, соның муляжы болып шықты», - деп хабарлады ақпарат көзі.

Кейін бұл ақпаратты ІІМ Мәскеу қалалық басқармасы баспасөз қызметінің басшысы Владимир Васенин растады.

Ұсталған адамның ақыл-есінің дұрыстығына күмән бар, сондықтан ол сараптамаға жіберіледі. Оқиғадан ешкім зардап шеккен жоқ.



Перевод Жанат Қапалбаева
Басты сөздер: Оқиға, Ресей,
Жоғары қарай