Ауа райы
Астана 15 °С
Алматы 18 °С
валюта бағамы
USD 412.55
EUR 468.66
RUB 5.79
CNY 58.80

Маңғыстауда 91 педофил есепте тұр

2019 жылдың 26 қазан 2019 12:21

АҚТАУ. ҚазАқпарат - Өңірде 91 педофил есепте тұр. Бұл туралы Маңғыстау облыстық полиция департаментінің басшысы Қанат Тәймерденов мәслихат сессиясында мәлімдеді. 5 жыл ішінде жасөспірімге қатысты 44 қылмыс жасалған, деп хабарлайды ҚазАқпарат тілшісі.

«Бүгінгі күннің өзекті мәселесі - педофилдердің жас балаларға жасаған жыныстық зорлық-зомбылығы. 5 жыл ішінде облыста 3 жастан 13 жасқа дейінгі жасөспірімге қатысты сексуалдық сипаттағы 44 қылмыс жасалған. Оның ішінде 13-і - зорлау, оның біреуі адам өлімімен аяқталған»,-деді Қанат Тәймерденов.

Барлық қылмыскер ұсталып, әртүрлі мерзімге бас бостандығынан айырылған. Облыс бойынша 91 педофил есепте тұр. 28-і бостандықта, 5-еуі психодиспансер есебінде тұр. Енді алдын алу шараларын жүргізу керек деп ұсынды ПД басшысы.

«Осы санаттағы қылмыстарды болдырмау үшін мектеп ұстаздары, психологтар, құқық қорғау органдары бірлесіп жұмыс жасауы керек. Түсіндіру шараларын жүргізіп, алданып қалмау, бірге еріп кетпеу керектігін жиі айтып, мысалдармен көрсету керек»,-деді облыстық полиция департаментінің басшысы.

Еске сала кетейік, жуырда ғана Ақтауда тал түсте ер адам 6 жасар қызды үйінің жанынан ертіп әкетіп, зорламақ болған еді.

Жоғары қарай